الى وقعات حادثة فالطريق
خاصنا نوقفوا فالحين سواء كانت الحادثة بسيطة ام لا الى كانت الجروح خاص نقدموا يد المساعدة لان القانون تيعاقب على عدم مساعدة اشخاص فحالة خطر
ملي تتوقف الحادثة فالكروازمة او وسط الطريق تيخصنا نرسموا مزيان بالطباشير الموقع ديال السيارات بجوج باش نحيدوهوم من وسط الطريق لتجنب عرقلة السير
نشوفوا واش كاينين شي شهود لان شهادتهم تتفيد لكن مايكونش من العائلة تنسجلوا الاسم و العنوان ورقم البطاقة الوطنية ديالهم
كل واحد يعمر الجهة الخاصة بيه و يكتب جميع المعلومات الاسم .العنوان.رقم البطاقة الوطنية و تاريخها كذلك الساعة اللي وقعت فيها الحادثة
خاص السائقين فالاخير يسنيو على هاذ الكوسطة الودية و يرسلوها قبل من 5 ايام لشركة التامين ديالهم على طريق البريد او يسلموها لهم بنفسهم
الحوار و التفاهم تيسهل المامورية بناتنا الى وقعت لا قدر الله شي حادثة
تنبه
الى وقع اصطدام بين عدل ديال السيارات تيخص نقدموا تقرير مشترك مع كل سائقي السيارات المتصادمة و نعمروا كوسط الاصطدام ( كوسطة بارشوك )
فجميع حوادث السير الاخرى بحال انقلاب السيارة او الاصطدام بشجرة ولا حيط .خاص نعمروا فالكوسطة .A الجهة ديالنا اللي هي
من الاحسن نرسلوا الكوسط ودية على طريق البريد مصحوب بتوصيل او الى قدمناه بيدنا لشركة التامين نطلبوا ليها ورقة استلام و ضروري قبل مانبعثوا بالكوسطة ودية نخليوا عندنا نسخة فوطوكوبي
الى وقع شي سوء تفاهم بين الاطراف ناخد صور ديال السيارة بواسطة البورطابل او الة التصوير الى كانت موجودة
